Қызылордада төрт жасар бала бесінші қабаттан бірінші қабаттағы баспалдаққа құлап кеткен

Қызылордада төрт жасар бала бесінші қабаттан бірінші қабаттағы баспалдаққа құлап кеткен. Бұл туралы Төтенше жағдайлар министрлігі Telegram-дағы арнасында хабарлады.

ТЖМ ақпаратынша,оқиға бүгін 5 қабатты тұрғын үйде болған. Түрлі жарақаттары бар бала ауруханаға жатқызылған.

Осы орайда министрлік кішкентай балаларды ересектердің қарауынсыз қалдырмауға шақырады.

"Өзіңізге және жақындарыңызға сақ болыңыздар!", - делінген хабарда.

Қауіпсіздік шаралары:

• кішкентай балаларды қараусыз қалдырмаңыз;
• ешқашан москит торларына сенбеңіз. Олар құлаудан қорғауға арналмаған;
• балаларға ересектердің қарауынсыз үйден шығуға рұқсат бермеңіз.