ШҚО-да мамырда жоғалып кеткен 21 жастағы жігіттің денесі табылды
Жарияланған күні:
![өзен өзен](https://cdn.nur.kz/images/1120x630/ad856f78d384cbe9.jpeg)
Өскеменде жоғалып кеткен 21 жастағы жігіт өлі күйінде табылды. Бұл туралы еріктілер хабарлады. Ақпаратты Шығыс Қазақстан облысының полиция департаменті растады, деп жазады KAZ.NUR.KZ
Еріктілердің айтуынша, 21 жастағы Жандос Баянов осы жылдың 15 мамырында Өскемендегі АДК аумағында жоғалып кеткен.
![Жандос Баянов. Фото Жандос Баянов. Фото](https://cdn.nur.kz/images/1120/37a926db6bb5a3b9.jpeg)
Шығыс Қазақстан облысы полиция департаменті өкілдерінің мәліметінше, полицейлерге Прапорщиково ауылының шетіндегі Ертіс өзенінің арнасынан жігіттің денесі табылғаны турплы хабарлама келіп түскен. Марқұмның денесінде көзге көрінетін жарақаттар анықталмаған.
"Қазір сотқа дейінгі тергеу жүріп жатыр, сараптамалар тағайындалды", - деп мәлімдеді департаменттің баспасөз қызметі өкілдері.
Айта кетейік, бұған дейін Түркістан облысы Сарыағаш ауданында үш жасар бүлдіршін жоғалып кеткенін жазған едік. Кейін қыз баланың денесі көршісінің ауласынан табылды.
Кейіннен Түркістан облысы Сарыағаш ауданы Сіргелі ауылында тағы бір бүлдіршін ауладағы дәретханадан тірі табылған.
Журналист Гүлмира Әбіқай Instagram-дағы парақшасында Түркістан облысы Сарыағаш ауданы Сіргелі ауылында тағы бір қыз бала ауладағы дәретхана тесігінен табылғанын хабарлады. Бұл жолы бүлдіршін тірі шыққан. Ол кішкентай қызды дәретханаға біреу түсіріп жіберген болуы мүмкін деген болжам жасады.
Мақаланың түпнұсқасы: https://kaz.nur.kz/accidents/2139318-shqo-da-mamyrda-zhogalyp-ketken-21-zhastagy-zhigitting-denesi-tabyldy/