Таиландта қазақстандық турист суға батып кетті

Қазақстандық турист демалысының бірінші күні Пхукет аралында суға батып кетті. Қайғылы жағдай 31 шілдеде болған. Қазақстандықтың өліміне қатысты Сыртқы істер министрлігінің баспасөз қызметі түсініктеме берді, деп хабарлайды KAZ.NUR.KZ тілшісі.

Қазақстандық туристтің қазасы туралы ақпарат жергілікті Phuket News басылымында жарияланды.

Басылым ақпаратынша, полиция қазақстандық азамат Карон жағажайында болған оқыс оқиға салдарынан қаза тапқанын хабарлаған.

Таиландтық басылым мәліметінше, ер адам демалысының бірінші күні қонақүйге кіргеннен кейін бірден қайтыс болған.

Бұл фактті NUR.KZ тілшісіне Сыртқы істер министрлігінің баспасөз қызметі растады. Ведомство өкілдері қайғылы жағдайға қатысты әзірге басқа мәліметтер жоқ екенін мәлімдеді.