Қарағанды облысында жеке тұрғын үй өртенді
Жарияланған күні:
Қарағанды облысында 18 тамызда, түнде тұрғын үй өртенді. Төтенше жағдайлар министрлігі жеке сектордағы өртпен қалай күрескенін көрсетті, деп хабарлайды KAZ.NUR.KZ ведомствоға сілтеме жасап.
ТЖМ мәліметінше, Осакаров ауданындағы Молодежный кентінде бір қабатты 2 пәтерлі жеке тұрғын үйде өрт шығып, жалыны жақын орналасқан біртекті ғимаратқа тараған.
"Өрт сөндірушілердің күшімен өрт 300 шаршы метр алаңда толығымен сөндірілді.
Зардап шеккендер жоқ", - делінген хабарламада.
Еске салайық, 12 тамызда Түркістан облысында 120 тоннаға жуық шөп өртенді.
Тамыз айының басында Астанада қараусыз қалған ғимарат өртенген болатын.
Шымкентте көлік тұрағында жүк көлігінің тіркемесі мен үш көлік өрт шарпыған еді.
Мақаланың түпнұсқасы: https://kaz.nur.kz/accidents/2150361-qaragandy-oblysynda-zheke-turgyn-ui-ortendi/
