Алматыда жаяу жүргіншіні автобус қағып, мерт қылды
Жарияланған күні:
Желіде Алматыда автобус адамды қағып кеткен сәттің видеосы пайда болды. Осы оқиғаға қатысты қалалық полиция департаментінің баспасөз қызметі өкілдері түсінік берді, деп хабарлайды KAZ.NUR.KZ.
Оқиға орнындағы бейнебақылай камерасына түсіп қалған видео Telegram-дағы Kozachkov offside арнасында жарияланды. Видеоның астындағы жазбада кеше Алматыдағы Сейфуллин даңғылында автобус адамды қағып кеткені жазылған.
Алматы полиция департаментінің баспасөз қызметі өкілдері NUR.KZ тілшісіне жол апатының мән-жайы анықталып жатқанын хабарлады.
"Анықтау басқармасында өлімге әкеп соққан жол-көлік оқиғасы фактісі бойынша қылмыстық іс тергеліп жатыр. Тиісті сараптамалар тағайындалды, соның қорытындысы бойынша қылмыстық іс бойынша процессуалдық шешім қабылданады. Басқа мән-жайлар анықталып жатыр", - деп хабарлады полицейлер.
Еске салсақ, Ақмола облысында 18 тамызда, түнгі сағат үштер шамасында екі жаяу жүргіншіні көлік қағып кетті. Салдарынан бір әйел қайтыс болды.
Мақаланың түпнұсқасы: https://kaz.nur.kz/accidents/2150643-almatyda-zhaiau-zhurginshini-avtobus-qagyp-mert-qyldy/
