Ақтөбеде жол апаты болып, үш адам жансақтау бөліміне түсті

1 қыркүйекте Ақтөбеде ауыр жол апаты болып, салдарынан төрт адам зардап шекті, оның үшеуі жансақтау бөлімінде жатыр. Бұл туралы "Диапазон" хабарлайды.

Басылым редакциясына оқырмандар хабарласып, 1 қыркүйек күні таңертең Ақтөбедегі бесінші ықшамаудандағы көпірдің жабылғанын мәлімдеді.

Желіде жантүршігерлік апат болғаны туралы ақпарат тарады. Ақтөбе облысының полиция департаменті ақпаратты растады.

Ведомствоның хабарлауынша, 1 қыркүйекте Ә.Молдағұлова даңғылында көпірге жақын жерде ВАЗ және Honda көлігі соқтығысқан.

ВАЗ жүргізушісі мен жолаушысы, сондай-ақ Honda көлігінің жүргізушісі ауруханаға жатқызылды.

Апат салдарынан төрт адам зардап шекті. Зардап шеккендер 40 пен 68 жас аралығында.

"Бір ер адам ауруханаға жатқызудан бас тартты және амбулаторлық негізде емделеді. Үш науқас көпсалалы облыстық ауруханаға жатқызылды, олар жансақтау бөлімінде жатыр", - деп хабарлады облыстық денсаулық сақтау басқармасынан.