Қазақстандық турист Малайзияда суға батып кете жаздады
Жарияланған күні:
Малайзиялық БАҚ бүгін Қазақстан азаматы төтенше жағдайға тап болғаны туралы ақпарат жариялады. Ақпаратқа Сыртқы істер министрлігі түсініктеме берді, деп хабарлайды KAZ.NUR.KZ.
Таңертең The Star басылымы Қазақстаннан келген туристің демалыс орындарының бірінің жағажайында шомылу кезінде суға батып кете жаздағанын хабарлады. Өрт сөндіру қызметіне апат туралы хабар келіп түскен. Оқиға орнына құтқарушылар жедел жетіп, іздеу жұмыстарын бастады.
Кейін Utusan Borneo басылымы ер адамды демалыс орнының қызметкерлері тауып, құтқарғанын хабарлады. Зардап шеккен адам ауруханаға жеткізілді.
Қазақстанның сыртқы істер министрлігінің баспасөз қызметі KAZ.NUR.KZ тілшісіне ер адамның тірі екенін, қазір оның жағдайы жақсы екенін айтты.
Мақаланың түпнұсқасы: https://kaz.nur.kz/accidents/2157655-qazaqstandyq-turist-malaiziiada-suga-batyp-kete-zhazdady/
