Алматыда базар аумағында өрт шықты (видео)

Алматының Жетісу ауданында базар аумағында өрт шықты. Қазір өрт сөндіріліп жатыр. Бұл туралы KAZ.NUR.KZ тілшісі қаланың Төтенше жағдайлар департаментіне сілтеме жасап хабарлайды.

"18 қыркүйекте сағат 13:26-да Бөкейханов көшесі, 506/1 мекенжайында өрт шыққаны туралы хабарлама түсті. Алматы қаласының ТЖД күштері мен құралдары жоғарылатылған дәрежеде жіберілді. Оқиға орнына сағат 13:35-те жеткенде, екі қабатты асхананың ғимараты мен оған жақын орналасқан қойма ғимаратының 150 шаршы метрден асатын аумағында өрт шыққаны анықталды", - делінген ТЖД хабарламасында.

Сондай-ақ тәртіпті қамтамасыз етіп, аумақты қоршау үшін Полиция департаментінің қызметкерлері жұмылдырылған. Өртті сөндіруге және қойма ғимараттарын қорғау үшін су атқыштар қолданылды. Сағат 13:50-де өрт оқшауланған. Тауарлар қоймадан шығарылған.