БҚО-да тасжолда болған жол апатынан жеті адам зардап шекті

Батыс Қазақстан облысында тасжолда екі көліктің қатысуымен жол апаты болды. Салдарынан жеті адам ауруханаға жеткізілді, деп хабарлайды "Мой Город" басылымына сілтеме жасаған KAZ.NUR.KZ.

Полиция басқармасының хабарлауынша, 26 қыркүйекте Теректі ауданында Подстепное – Елек тасжолының 39-шақырымында Тақсай ауылы маңында (бұрынғы Донецк) Renault Logan және Lada Largus көліктері соқтығысқан. Оқиға салдарынан жеті адам түрлі жарақаттармен ауруханаға жеткізілді.

Батыс Қазақстан облысы денсаулық сақтау басқармасы зардап шеккендердің жағдайы туралы кейінірек хабарлауға уәде берді.

Еске салсақ, бұған дейін Қарағандыда бес көлік соқтығысып, ірі жол апаты болғанын хабарлаған едік. Салдарынан үш адам ауруханаға жеткізілді.

Ведомствоның баспасөз қызметі мәліметінше, 22 қыркүйекте сағат 16.00 шамасында Тәттімбет көшесінде "ГАЗель", Jetour, Audi и две Lada көліктері соқтығысты.

Оқиға салдарынан "ГАЗель" көлігінің 39 жастағы жүргізушісі, сонымен қатар Jetour көлігінің 39 жастағы жүргізушісі мен 36 жастағы жолаушысы медициналық мекемеге жеткізілді.