Астанадағы дәмханалардың бірінде жарылыс болды (видео)
Жарияланған күні:
Астананың Алматы ауданындағы дәмханалардың бірінде газ баллоны жарылды - алты адам зардап шекті деп хабарлайды Төтенше жағдайлар министрлігінің баспасөз қызметіне сілтеме жасаған KAZ.NUR.KZ.
Астанада Алматы ауданында Ақыртас көшесінің бойында 2 қабатты тұрғын үйге жапсарлас салынған кафеде газ баллоны жарылды.
Қирау алаңы шамамен 60 шаршы метр, өрт алаңы 15 шаршы метр. Өрт сөндірілді. 6 адам жедел жәрдем қызметкерлеріне тапсырылды.
Төтенше жағдай министрлігі күштері қауіпсіз жерге көлемі 50 литр болатын 4 тұрмыстық газ баллонын шығарды.
Оқиға орнында Төтенше жағдай министрлігі қызметкерлері үйінділерді бұзу жұмыстарын жүргізуде.
Еске салсақ, Алматыда екі қабатты кафе өртенгені туралы хабарлаған едік.
Оқиға орнынан 3 газ баллон эвакуацияланды.
ТЖМ ақпаратынша, екі қабатты кафе өртке оранған. Төтенше жағдайдан зардап шеккендер туралы ақпарат келіп түскен жоқ. Алматы ТЖД өкілдері 21:17-де өрт толығымен сөндірілгенін хабарлады.
Мақаланың түпнұсқасы: https://kaz.nur.kz/accidents/2167102-astanadagy-damhanalardyng-birinde-zharylys-boldy-video/
