Павлодарда шақыртуға келген полиция қызметкері соққыға жығылды

Павлодарда пәтерлердің бірінде учаскелік полиция қызметкеріне жұдырықпен шабуыл жасалды. Ол бұрыш баллонын қолданып босап шықты, алайда құжаттарынан айырылды, деп хабарлайды KAZ.NUR.KZ тілшісі.

Павлодардың №2 сотының үкімінде полицияны ұлының үстінен шағымданған әйел шақырғаны айтылған. Ол баласының ашуланып тұрғанын айтқан.

Пәтерге кіргеннен кейін учаскелік полиция қызметкері қала тұрғынына сұрақтар қоя бастады. Бөлмеден қызметкерді кетуге көндіре бастаған қонақ шықты. Әуелі сөзбен айтып, сосын киімінен ұстап, жұдырықтай бастады.

Бірнеше минуттан кейін оның жанына ұлы келіп қосылды.

"Екі жақтан ұстап алып өздеріне қарай тарта бастады, екеуі бір уақытта беттен, дене мен желкеден соққы жасады. Ұрып-соғу кезінде біреуі екіншісіне: "Ұр оны, ұр!", - деді.

Олардан босау үшін күртешені шештім. Өзіммен алып алған бұрыш баллоны бар еді, соны екеуі тұрған жаққа шаша бастадым. Содан кейін пәтерден қашып шықтым. 102-ге хабарласып, жағдайды баяндадым", - делінген учаскелік инспектор берген түсініктемеде.

Сонымен қатар, тәртіп сақшысының айтуынша, төбелес кезінде оның күртесінің қалтасынан қызметтік куәлігі түсіп кеткен, оның ішінде жеке куәлігі де болған.

Артынша шабуыл жасағандар ұсталды. Қылмыстық кодексінің 380-бабының 4-бөлігінің 3-тармағы (Бір топ адамдардың билік өкіліне күш қолдануы) бойынша қылмыстық іс қозғалды.

Үкімде павлодарлықтардың өз кінәсін мойындамағаны айтылған. Алайда жиналған айғақтарды ескере отырып, олар жазасын алды.

Полиция қызметкерін шақыртқан әйелдің ұлына үш жылға бас бостандығынан айыру жазасы тағайындалды. Жазасын өтеу орнында ол алкогольден туындаған психикалық және мінез-құлық бұзылыстарынан мәжбүрлі түрде емделеді.

Оның досы 5 жылға бас бостандығынан айырылды. Ол бұрын бірнеше рет сотталған, зорлаушы және қарақшы ретінде полицияда есепте тұрған. Күш қолданды деген айыппен қоса, ер адам Қазақстан Республикасы Қылмыстық кодексінің 384-бабының 2-бөлігі (Құжаттарды заңсыз алып қою) бойынша да кінәлі деп танылды.