БҚО-да әкімдік қызметкерінің қатысуымен болған ірі жол апатының видеосы тарады

Батыс Қазақстан облысы әкімі аппаратының қызметкері Оралда болған ірі жол апатына кінәлі деген күдікке ілінді. Желіде жол-көлік оқиғасының видеосы тарады, деп "Мой город" басылымына сілтеме жасаған KAZ.NUR.KZ.

Жергілікті басылымның хабарлауынша, желі қолданушылары редакцияға жол-көлік оқиғасының видеосын жіберген.

Полиция департаментінің баспасөз қызметі аталмыш жол апатына қатысты басылымға пікір білдірді. Олардың мәлімдеуінше, мас күйде көлік тізгіндеген жүргізушінің қатысуымен болған жол-көлік оқиғасына қатысты іс әлі сотқа жолданбаған.

Батыс Қазақстан әкімдігінің баспасөз қызметі жағдайдың мән-жайын анықтаған соң жол-апатына қатысты пікір білдіруге уәде берді.