Көкшетауда түнде ағаш шеберханасы өртенді (фото)

Кеше түнде Көкшетаудағы ағаш шеберханаларының бірінде шыққан өрт сөндірілді. Пеш жағу бөлмесінің өртенгені анықталды, деп хабарлайды өңірдің Төтенше жағдайлар департаментіне сілтеме жасаған KAZ.NUR.KZ.

Көкшетау қаласы Сүлейменов көшесі бойында ағаш шеберханаларының бірінде пеш жағу бөлмесінде өрт шықты.

Өрт сөндірушілер шақыру түскен сәттен бастап 26 минут ішінде 10 ш.м. алаңда өртті сөндіріп әрі қарай таралуына жол бермеді. Зардап шеккендер жоқ, өрттің себебі анықталуда.

Диспетчерге қандай ақпаратты хабарлау қажет:

• өрт немесе жалын шыққан жердің мекен-жайы;
• өрт объектісі (аулада, пәтерде, қоймада және т. б.);
• өрт заты (теледидар, жиһаз және т. б.);
• қажет болған жағдайда-кіреберістің, пәтердің нөмірі, ғимараттың қабаттар саны және өрт болып жатқан қабат, қайдан келген ыңғайлы, аумаққа кіру кодтары және т. б.;
• тегіңіз бен телефон нөміріңіз. Хабарласқан кезде анық және сабыр сақтап сөйлеу керек.