Алматы метросында ер адам рельске құлап, мерт болды

Алматы метросында ер адам рельске құлап кетті. Оқиға орнында түсірілген видео желіде тарады. Қалалық полиция департаменті баспасөз қызметі жәбірленушінің қайтыс болғанын хабарлады, деп жазады KAZ.NUR.KZ.

Оқиға орнында түсірілген кадрлар мен оқиға туралы ақпарат Qumash Telegram арнасында жарияланды.

"Алматыдағы "Абай" метро станциясында, куәгерлердің айтуынша, рельске адам құлап кетті. Жолаушылар оны шығару үшін вагонды итерген. Оқиға орнына полиция мен жедел жәрдем келді", - деп жазады автор.

Оқиғаға қатысты қалалық полиция департаменті түсініктеме берді.

"Аталған факті бойынша тергеу амалдары жүргізілуде. Қайғылы жағдай салдарынан 26 жастағы көзі нашар көретін мүгедектігі бар ер адам қайтыс болды", - деп хабарлады Алматы қалалық ІІД баспасөз қызметі.