Қарағандыда тұңғыш рет робот-хирургтың көмегімен ота жасалды (видео)

Қарағандылық нейрохирургтар тұңғыш рет робот-хирургтың көмегімен миға күрделі операция жасады. Бұл туралы 24.KZ хабарлайды.

Телеарна мәліметінше, эпилепсияның ауыр түріне шалдыққан науқасқа көрсетілген ем-шара сәтті өтті.

Әмбебап машина көмегімен ми ісігін биопсиялау, мидың терең стимуляторын импланттау сынды операцияларды тез әрі сапалы жасауға болады. Робот-хирургты тәжірибелік сынақтан өткізу үшін Қытай дәрігерлері көмек көрсетті.

Келешекте еліміздің клиникаларына осындай заманауи қондырғылар алынады.

"Робот бізге өте жақсы көмектеседі. Оталарымыз тез өтті. 1 әрі кетсе 2 сағаттың ішінде. Ешқандай асқынуды көрген жоқпыз. Келешегіміз осындай машиналарда болады деп ойлаймын", - дейді нейрохирургия және неврология орталығының жетекшісі Ғабит Махамбет.