Небары 10 жасында кәрі әжейге айналған ерекше қыз туралы не білеміз?

Бангладештегі Хабигандж аулының тұрғыны Таклима Джахан Ниту өте сирек кездесетін "прогерия" ауруына шалдыққан. Бұл генетикалық дерт белсенді қартаюға әкеп соқтыратындықтан, 10 жасар қыз өз құрдастарынан әлдеқайда кәрі көрінеді деп хабарлайды fishki.net-ке сілтеме жасаған NUR.KZ.

Генетикалық дертке шалдыққандар кішкентайынан тез қартайғанымен, дене пішіндері өспей қалып жатады.

Бүгінгі күні Таклима он жаста. Дәрігерлер оның өмір сүруіне әлі бірнеше жыл уақыт бар деп есептейді. Ол он жылда аса ауыр диагнозға көніп, өмірді сүюді үйренген.

Өз замандастары сияқты ол да мектепке барып, білім алады.

Ниту сурет салғанда өте жақсы көреді. Өзінің бос уақытында ол бірден сүйікті ісіне кіріседі.

Кез келген қыз сияқты ол да косметиканы ұнатады.

Оның ең сүйікті әшекейі - білезік. Ниту олардың түр-түрін сатып алады.

Алайда өзінің көп уақытын қыз бала үйінде өткізеді.

Ниту жастық төсемей отыра алмайды.

Қыз баламен ойнауға тек өзінің аға-әпкелері ғана келіседі. Әдетте олар үй ауласында ойнайды. Өйткені Ниту басқа адамдардың көзіне барынша көрінбеуге тырысады.

Оның үш ағасы мен үш әпкелері бар.

Ол өз әпкелерімен жергілікті базарға барып, түрлі заттарды сатып алғанды ұнатады. Себебі, әпкелері ғана оның нағыз жақын достарына айналған.

Ниту көпшілік алдына көп шықпауды жөн көреді. Себебі жергілікті халық оны жиіркенішті санап, қыз баланың бет-әлпетінен шошып қашып кетіп жатады.

Оның үстіне көбісі қыз баланы қарғыс атқан деп санайды. Қоғамның өзін қабылдамайтынына еті үйренген Ниту, елеусіз қолдау көрсететін отбасысының арқасында ғана ауруға төтеп беріп отырғанын жасырмады.

Жанұясының қасында қыз бала тіпті өзінің басқалардан өзгеше екенін де ұмытып, ауыр дертін де естен шығарады.