Айдай сұлу қыздарды бір сәтте құбыжыққа айналдырған жігіттер кімдер?

Көркіне көз сүрінетін аруларды қызғаныштан құбыжыққа айналдырып жібергендер елді шошытты. Олар сұлулық эталондарының бетіне сірке суын шашып, кейбірінің көзін ағызып жіберген деп хабарлайды NUR.KZ.

Бетіне сірке суы шашылған арулар жантүршігерлік оқиғаны ешқашан ұмыта алмайды.

Себебі мұндай оқиғадан кейін бойжеткендерге пластикалық отаның өзі көмектеспеуі мүмкін.

Италиялық ару, "Мисс Италья 2007" атанған Джесика Нотароның бетіне бұрынғы сүйіктісі сірке суын шашқан.

Өйткені, бойжеткен жігіттің сезімдерінен бас тартқан екен. Ал жігіт өзіне қарамаған арудан осылай кек алыпты.

Джесика бүгінде ай сайын емі үшін 800 евро жұмсап отыруға мәжбүр.

2012 жылы австралиялық Дана Вулин өзінің тым қызғаншақ күйеуінің құрбанына айналды. Ол әйелін өзінің танысынан қызғанып, этиль спиртін құйып, шырпы жаққан.

Дана біраз уақыт комада ес-түссіз жатып, көптеген отаны бастан өткерген.

Ал 2008 жылы 35 жастағы Дэнни Линч есімді жігіт өзінің сүйгені, танымал модель Кэти Пайперді сілтімен күйдірген. Осыдан соң бойжеткен үшінші дәрежелі күйік алып, қабағы мен сол құлағының жартысынан, мұрнының біраз бөлігінен айырылған.

Сондай-ақ, көзі мен мойыны, қолы мен білектері күйіп қалған. Кэти үш жылда 80 отаны бастан өткерген.

Ал Дэнни өмір бойына бас бостандығынан айырылды.

Сочидің "Краса Сочи" атағын жеңіп алған Элеонора да осындай оқиғаны бастан кешірген.

Қызды өзіне қарата алмаған жігіт адам жалдап, 1999 жылы ғашығының бетіне сірке суын құйдырады.

Ол осы уақытқа дейін 300 пластикалық отаны бастан өткерсе де, бұрынғы келбетін қайтара алмаған.

Ал индиялық Решма Куреш туған ағасының құрбанына айналған. 18 жастағы қыз сол оқиғадан соң бір көзінен айрылып, денесінің біраз бөлігін күйдірген.

Ал өткен жылы ол келбетіне қарамастан, модельдік қызметке кіріскен. Ол осы арқылы адамдардың барлығы бірдей екенін дәлелдегісі келеді.

Шырын Мохамади өзіне құда түсіп келген жігіттен бас тартқанда 18 жаста болған.

Бірақ азаматтан мұндай шығады деп күтпеген ару оң көзі мен құлағынан айрылады.

Денесінің көп бөлігін күйік шалған. Оның пластикалық отаның көмегіне жүгіну процесі әлі күнге жалғасып келеді.