Ұлы Отан соғысы кезінде айрылысқан ғашықтар 75 жылдан кейін қайта қауышты

Ұлы Отан соғысы кезінде 18 жастағы Жанин Пирсонға ғашық болған америкалық сарбаз Кейти Роббинстың хикаясы шынайы махаббаттың дәлелі. Қос ғашықты тағдыр айрылыстырып, олар 75 жылдан кейін қайта кездесу бақытына ие болды. Мedialeaks.ru сайтына сілтеме жасаған KAZ.NUR.KZ бұл ерекше хикаяны назарларыңыіызға ұсынады.

Ұлы Отан соғысы жылдары Францияға келген Роббинс киімін жуатын адам іздейді. Сөйтіп, тағдыр оны Жаниннің анасына жолықтырады. Ол көмектесуге келіседі. Сөйтіп, сарбаз бен бойжеткеннің арасында сезім пайда болады. Алайда екі айдан кейін Роббинс қызмет бабымен Шығыс майданға аттануға мәжбүр болады.

"Мен оған мүмкіндік болса, келіп оны алып кететінімді айттым", - деп еске алды Роббинс.

Бойжеткенге айырылысу ауыр соққы болып тиді. Жанин сүйіктісінің оралуын ұзақ күткен.

"Ол жүк көлігіне мініп, кеткенде мен жыладым. Оның Америкаға емес, маған оралғанын қаладым", - деді Жанин.

Соғыс аяқталғаннан кейін Жанин сүйіктісі оралады деген үмітпен ағылшын тілін үйрене бастаған. Алайда Роббинс бірден Америкаға оралған.

Отанына оралған жігіт Лилиан есімді бойжеткенмен танысып, оған үйленген. Олар бірге 70 жыл бойы бірге тұрған. Ерлі-зайыптылар Миссисипиде тұрмыстық техника дүкенінде 50 жыл бойы еңбек еткен. 92 жасқа толғанда жұбайы Лилиан қайтыс болыпты.

Жанин де қайта ғашық болып, 1949 жылы тұрмысқа шыққан. Ол некеден оның бес баласы бар екен.

Алайда Роббинс француздық аруды жүрегінен шығармай, оның суретін бірнеше жылдар бойы сақтап келген. Француздық журналистер АҚШ-тың ҰОС ардагерлері жайлы жазуға келгенде, ол сүйіктісінің суретін көрсетіп, оны табу үшін Жаниннің туған ауылына барғысы келетінін айтқан. Дегенмен арада 75 жыл өткенін ескерген Роббинс сүйіктісі өмірден озған шығар деп топшылаған.

"Оны ешқашан көрмеймін", - деді Роббинс.

Алайда журналистер зерттеу жүргізіп, Жанинді Мозель елді мекенінен 40 шақырым жердегі Монтиньи-ле-Мец қарттар үйінен анықтаған.

- "Ол тірі және сізді күтіп жүр", - деді олар ардагерге.

- "Қалжынсыз!", - деп айғайлады Роббинс.

- "Мен әрдайым сені сүйдім. Жүрегімнен шығарған емеспін", - деді Роббинс Жанинге.

- "Ол мені сүйетінін айтты. Солай түсіндім", - деді Жанин тілшілерге.

Роббинс бірнеше онжылдық бойы сақтаған суретін көрсеткенде Жанин қатты таңырқады.

Осылайща ардагер араға 75 жыл салып, сүйіктісіне сезімдерін қайта білдірді.