Ересектерге қызықты ойындар: іс-шараларды әсерлі өткізуге арналған 9 идея

Кез келген жиынды ойындар арқылы қызықты өткізуге болады. Ойын адамдардың бір арнада болуына, бір-бірін жақын тануына мүмкіндік береді. Бұл жазбамызда ересектерге арнап ұйымдастырылатын ойындар топтамасын ұсынамыз.

Іс-шараларда, жиындарда ересектерге қандай қызықты ойындар ойнатуға болады? Ол үшін зияткерлік және көңілді ойындарды таңдауға болады. Мысалы: "Шындық па, батылдық па?", "Менде ешқашан", "Менің көршілерім", "Бір ауыз сөзбен", "Оқиғаңды баянда", "Бұл қандай сөз?", "Құпия рецепт", "Сынған телефон", "Шын немесе жалған" ойындарын ойнату жақсы нұсқа саналады.

Шындық па, батылдық па?

Ойын жұп арасында ойналады. Бірінші ойыншы екіншісіне "Шындық па әлде батылдық па?" - деп сұрақ қояды. Ойындағы екінші адам "шындықты" таңдаса, сұрақ қоюшы кез келген сұраққа шынайы жауап беруі керек. Егер "әрекет" таңдалса, онда ол жұптың бірі берілген нақты тапсырманы орындайды. Содан кейін ойын сағат тілі бойынша келесі ойыншылардың жұбына өтеді.

Мен ешқашан...

Te Ambuildinghub осы ойын арқылы бір-біріңізді жақынырақ тануға болатынын жазады. Әр адам өз кезегінде "Мен мұны ешқашан істеген емеспін" - деп айтуы керек және ешқашан жасамаған нәрсені атауы керек. Мысалы "Мен ешқашан парашютпен секірген емеспін". Егер жиналғандардың арасында парашютпен секірген біреу болса, ол адам сол оқиғасы туралы айтады. Жүргізуші оған тәтті береді. Кім көп кәмпит жинаса, сол жеңеді.

Менің көршілерім

Бірінші ойыншы "Мен!" - деп айту керек. Содан соң атына оның тұлғасын сипаттайтын сын есім қосады. Сын есім өз атымен бірдей әріптен басталуы керек. Мысалы "Мен - Аидамын, белсендімін", "Мен - Жандоспын, білімдімін. Келесі ойыншы алдыңғы ойыншылардың айтқанын қайталайды: "Ол - Жандос, білімді, ал мен...". Содан кейін ол өзінің атын, соған сай сын есімдерді қосады. Ойын барлық ойыншы есімдерін атап болғанша жалғасады.

Бір ауыз сөзбен

Үстел айналасында ойнату үшін қандай ойындар бар? Ойыншылар екі топқа бөлінеді. Бір топқа өздері туралы кейбір мәліметті (өмірлік ұраны, киім үлгісі, шаш түсі, көзінің түсі, мінез-құлық ерекшеліктері) жазу үшін парақтар мен қаламдар беріледі. Ойынды жүргізетін адам парақтарды жинап, араластырады. Содан кейін екінші топ кезекпен парақтарды алып, қағаздағы сипаттама бойынша кім туралы айтылғанын анықтайды. Ойыншыға оның бүкіл командасы көмектесе алады.

Оқиғаңды баянда

Sign Up Genius журналы осыындай көңілді ойын ұсынады. Қатысушыларға қағаз бен қалам беріледі. Содан кейін олар мағынасы жақын нәрселердің үш санатын ұсынады. Мысалы: киім, косметика, зергерлік бұйымдар. Ойыншы әр санаттан бір нәрсе ойлап тауып, оны қағазға жазады. Содан кейін ол қағазды қасындағы адамға береді, ол үш нәрсенің әрқайсысын пайдаланып шағын әңгіме құрастырады. Содан кейін тағы үш сөзді қосады, ал келесі ойыншы осы сөздерді пайдаланып әңгімені жалғастырады. Ойын шеңбер бойынша өтеді.

Бұл қандай сөз?

Ұжым арасында өткізуге болатын қандай сұрақ-жауап ойындары бар? Ойыншылардың санына шектеу жоқ. Жүргізуші бір сөз ойлап тауып, бірінші әріпті атайды. Ойыншылар сұрақтар қояды. Мысалы сөздің бірінші әрпі "Л" болса, "Мынау жануар ма?" - деп сұрайды. Жүргізуші жасырылған сөз сұрақтың жауабына сәйкес келсе келіседі және жануардын атауын айтады. Егер ойыншылар орынсыз сұрақ қойса, жүргізуші келесі әріпті атайды. Ойын сөзді тапқанша жалғасады.

Құпия рецепт

Ойын түрлі тағам қойылған үстел басында ойналады. Ойынды үй иесі жүргізеді. Ол әр түрлі тағамды кезекпен көрсетіп, барлық ингредиенттерді тізіп көрсететін қонақты таңдайды. Бұл ретте дәмдеуіштерді де ұмытпау керек. Тағамның барлық ингредиентін дәл атап шыққан адам жеңімпаз болады.

Сынған телефон

Бүкіл ұжымға арналған мұндай ойын шетте отырған бірінші ойыншыдан басталады. Ол бір сөзді ойлап тауып, жанында отырған адамның құлағына сыбырлайды. Ол қайта сұрамастан естіген сөзін келесі ойыншыға айтады, ол әрі қарай сыбырлап жөнеледі. Ойын шеңбер аяқталғанша жалғасады. Содан кейін бірінші сөз бен соңғы ойыншының нұсқасы тексеріледі. Көңілді ойын барлығының зейінін сынауға және ойын нәтижесіне бірге күлуге мүмкіндік береді.

Шындық және жалған

Ойыншылар "шындық сарапшысын" таңдайды. Басқа ойыншының бәрі өздері туралы қызықты деректі кезектесіп айтады, ол шындық немесе жалған болуы мүмкін. "Сарапшы" оның шын немесе жалған екенін бірден анықтайды. Әркім өзі туралы фактілерді айтқан кезде жүргізушінің дұрыс болжағанын білуге болады. Егер жүргізуші кем дегенде бір рет дұрыс жауап берсе, "шындық сарапшысының" рөлі басқа ойыншыға өтеді.

Дастархан басында көңілді ойын ойнап, мерекені немесе кез келген кештің көркін қыздыруға болады. Ойын ойналған шаралардан ешкім жалықпайды, тек қандай да бір ойын түрін тартысты әрі қызықты етіп ұйымдастыра білсеңіз болғаны.