Сайт нұсқасы

ru kz

Зектілері

Шетелден әкелінетін көліктерге 4 пайыздық автокредит беріле ме: Министр жауап берді

Опубликовано:

Көлік
Көрнекі фото: pixabay.com

Индустрия және инфрақұрылымдық даму министрі Қайырбек Өскенбаев жеңілдетілген автокредит бағдарламасы тек отандық автоөндірісті қамтитынын мәлімдеді, деп хабарлайды Sputnik Қазақстан.

Үкімет үйінде өткен баспасөз мәслихатында БАҚ өкілдері Қайырбек Өскенбаевтан "импортталатын көліктерге жеңілдетілген автокредит беріле ме?" деп сұрады.

Министр мұндай мәселе тіпті қаралмайтынын меңзеді.

"Жоқ, әрине, бұл тіпті нонсенс. Біз сонда бөтен өндіріске, бөтен жұмыс күшіне, бөтен салық салу базасына басымдық беруіміз керек пе? Жоқ, әрине! Автокредит тек отандық автоөндіріске беріледі", - деп кесіп айтты ол.

Айта кетейік, осыған дейін "ҚазАвтоПром" басқарма төрағасы Асқар Әміртаев жеңілдетілген автокредит бағдарламасына импортталатын көліктерді де қосуды ұсынған еді.

Мақаланың түпнұсқасы: https://kaz.nur.kz/nurfin/1957290-setelden-akelinetin-kolikterge-4-paiyzdyq-avtokredit-berile-me-ministr-zauap-berdi/

pixel