Қазақстанда 15 қыркүйекке дейін алғашқы декларацияны кімдер тапсыруы керек

Жалпыға бірдей декларациялаудың үшінші кезеңіне жеке кәсіпкерлер мен заңды тұлғалардың басшылары, сондай-ақ олардың жұбайлары қатысады. KAZ.NUR.KZ осы санаттарға кімдер жататынын анықтады.

Жалпыға бірдей декларацияның үшінші кезеңі 2024 жылы басталды. Оған жеке кәсіпкерлер (ЖК), заңды тұлғалардың басшылары мен құрылтайшылары, сондай-ақ олардың жұбайлары қатысады.

15 қыркүйекке дейін олар 250.00 нысанындағы активтер мен міндеттемелер туралы кіріс декларациясын тапсырулары керек, ал келесі жылдан бастап 270.00 нысанындағы кірістер мен мүлік туралы жылдық декларацияны толтырады.

Мемлекеттік кірістер комитеті (МКК) заңды тұлғалардың басшылар мен құрылтайшылар санатына нақты кімдер жататынын түсіндірді. Осылайша, 2024 жылы 250-нысандағы декларацияны бірінші рет ұсынатындар:

• заңды тұлғалардың (коммерциялық және коммерциялық емес ұйымдардың) басшылары;
• директорлар кеңесінің төрағасы;
• заңды тұлғаның алқалы басқару органының бірінші басшысы;
• жеке басшы;
• тұрғын үй / саяжай кооперативтерінің төрағасы;
• заңды тұлғалардың құрылтайшылары;
• заңды тұлғалардың қатысушылары;

Декларацияны жоғарыда аталған тұлғалардың жұбайлары және қызметін тоқтатқан, бірақ заңды тұлғаны немесе жеке кәсіпкерлігін жаппаған тұлғалар да тапсыруға міндетті.

Бірақ филиалдар мен өкілдіктердің басшыларына, сондай-ақ діни бірлестіктерді құруға бастамашы болған азаматтарға және саяжай немесе тұрғын үй кооперативтеріне қатысушыларға кіру туралы декларацияны әзірге тапсырудың қажеті жоқ.

Жалпыға бірдей декларацияға әлі қатыспаған қазақстандықтардың барлық басқа санаттары сияқты оларда мұндай міндет 2025 жылы ғана пайда болады.

Қағаз нысанда салық декларациясын ХҚКО, мемлекеттік кірістер органдары немесе пошта бөлімшелері арқылы ұсынуға болады.

Электрондық нысанда декларацияны төмендегілердің бірі арқылы тапсыруға болады:

• "Салық төлеушінің кабинеті" – cabinet.salyk.kz,
• "Электрондық үкімет" порталы – egov.kz
• Активтер мен міндеттемелер туралы декларацияны тексеру және тапсыру сервисі – moldir.qoldau.kz;
• Сондай-ақ мобильді қосымшалар арқылы тапсыруға болады:

1. E-Salyq Azamat
2. eGov mobile
3. HALYK, ЦентрКредитБанк, Kaspi.kz

Декларациянын тапсыру үшін электронды цифрлық қолтаңба қажет емес, оны SMS-пароль арқылы жіберуге болады.