Қазақстанда алтынның бағасы тарихи рекордты жаңартты

Соңғы бір жылда Қазақстанда алтын 19,23 пайызға қымбаттаған еді, қазір 1 грамы 34 547 теңге болып, рекордтық бағаға жетті. Бағаның мән-жайын KAZ.NUR.KZ материалынан оқыңыздар.

Жақында Қазақстандағы алтын бағасы тарихи рекордты жаңартты. Алайда ол ұзақ әрекет етпеді. Ұлттық банктің мәліметінше, 18 сәуірде бағалы металдың рекордтық бағасы жаңартылды: ресми бағам бойынша алтынның бір граммы қазір 34 546,96 теңге тұрады. Бір күнде оның бағасы 363,29 теңгеге қымбаттады.

Егер жыл сайынғы бағаның өсуін қарастыратын болсақ, алтынның қазіргі бағасы 2023 жылғы 18 сәуірде тіркелген бағадан 19,23 пайызға жоғары екені көрінеді. Ол кезде бір грамм асыл металдың құны небәрі 28 974,72 теңге болды.

Алтын бағасының көтерілу себептері әлемде болып жатқан оқиғаларға байланысты. Атап айтқанда, сарапшылар соңғы кезде Таяу Шығыстағы жағдайдың нашарлауымен және Иранның Израильге жасаған зымыран шабуылымен байланыстырады.

Алтын, әдетте, тұрақты құнын сақтайтын ұзақ мерзімді инвестициялық құрал. Дегенмен саяси немесе экономикалық белгісіздік жағдайында, валюталардың әлсіреу қаупі бар кезде, оған сұраныс және баға да артады.