Ирандағы жарылыстардан кейін мұнай бағасы көтерілді

Ирандағы жарылыстардан кейін мұнай бағасы 3 пайызға қымбаттады. Бұл Таяу Шығыстағы жағдайдың шиеленісуіне байланысты көпшіліктің алаңдаушылығын тудырды, деп хабарлайды CNBC арнасына сілтеме жасаған KAZ.NUR.KZ.

19 сәуір күні таңертең әлемдік эталондық Brent бір күн бұрынғыдан 3,63 пайызға қымбаттады. Баға бір баррель үшін 90,27 долларға дейін көтерілді, ал американдық Батыс Техас мұнайының орташа бағасы барреліне 3,66 пайызға өсіп, 85,76 долларды құрады.

Қауіпсіз қорғалған активтер де қымбаттады. Алтынның спот бағасы бір унция үшін 2 411,09 долларды құрады.

Иранның Fars ақпарат агентігі Иранның Исфахан қаласындағы әуежай маңында жарылыстардың естіліп, Тегеран, Исфахан және Шираз әуежайларына ұшулар тоқтатылғанын хабарлады. Ұшуды бақылайтын Flight Radar 24 сайты жұма күні таңертең Иранның әуе кеңістігіндегі бірнеше рейстің бағытын өзгерткенін көрсетті.

"Бүгінгі Араб әлеміндегі демократия" ұйымының атқарушы директоры Сара Лия Уитсон Таяу Шығыстағы қақтығыс мұнай нарықтарына үлкен қауіп төндіретінін айтты.

Парсы шығанағынан мұнай экспорты тоқтатылса, үлкен мәселе туындауы мүмкін. Бұл аймақ тәулігіне 20 миллион баррельден астам мұнай өндіреді.