Қазақстанда екінші жыл қатарынан кедейлік деңгейі төмендемей тұр

2023 жылы Қазақстанда аз қамтылған халықтың үлесі 5,2 пайызды құрады. Бұл көрсеткіш 2021 жылдан бері төмендеген жоқ, ал бірқатар өңірде ол айтарлықтай жоғары. Толығырақ KAZ.NUR.KZ материалынан оқыңыздар.

Жоғары инфляция азаматтардың сатып алу қабілетіне және сәйкесінше олардың әл-ауқатына теріс әсер етеді. Ұлттық статистика бюросының мәліметтері бойынша, 2023 жылдың төртінші тоқсанында табысы ең төменгі күнкөріс деңгейінен төмен азаматтардың үлесі 5,1 пайызды құрады.

Бұл көрсеткіш үшінші тоқсанда тіркелгеннен айтарлықтай аз (5,6 пайыз). Алайда егер 2023 жылды толығымен алсақ, Қазақстанда кедейлік деңгейі 2021 жылдан бастап төмендемеген және әлі де 5,2 пайызды құрайды.

Бірқатар өңірде кедейлік деңгейі жалпы республикалық көрсеткіштен айтарлықтай асып түсетіні назар аудартады.

Мәселен, аз қамтылған азаматтардың көпшілігі Түркістан облысында тұрады – 9 пайыз. Жоғары көрсеткіштер Абай және Жетісу облыстарында – тиісінше 8 пайыз және 7,8 пайыз, сондай-ақ Маңғыстау облысында тіркелді – 7 пайыз.

Алматыда табысы ең төменгі күнкөріс деңгейінен төмен халықтың үлесі 5,1 пайызды, Шымкентте – 6,4 пайызды, Астанада 2,4 пайызды ғана құрады.

Сондай-ақ Қазақстандағы кедейлік деңгейі аймақтың түріне байланысты айтарлықтай өзгеруі мүмкін екенін атап өткен жөн. 2023 жылы аз қамтылған азаматтардың 4,1 пайызы ғана қалада, 7 пайызы ауылда тұрды.

Қалалардағы керісінше, кедейлік деңгейі төмен – Абай облысы (7,9 пайыз), ал ауылдық жерлерде – Маңғыстау облысы (10,9 пайыз) болды.

Естеріңізге сала кетейік, Қазақстандағы кедейлік деңгейі жан басына шаққандағы өңірлік күнкөріс деңгейі негізінде айқындалады. Бұл тауарлар мен қызметтердің бағасына байланысты, 2023 жылдың желтоқсанында оның орташа республикалық көрсеткіші 47 672 теңгені құрады.