Қазақстанда қанша жұмыскер жаңа арнаулы әлеуметтік төлем алды

Қазірдің өзінде 6 мыңға жуық қазақстандық қауіпті өндірістегі жұмысшыларға арналған жаңа арнаулы әлеуметтік төлемді алушы атанды. Бірақ олардың барлығына толық төлем тағайындалған жоқ. Мұның мән-жайын KAZ.NUR.KZ анықтап көрді.

2024 жылдан бастап зиянды өндірістерде жұмыс істейтін азаматтар үшін жаңа арнаулы әлеуметтік төлем енгізілген болатын. Ол төрт құрамдас бөліктен тұрады:

• республикалық бюджеттен;
• сақтандыру компаниясынан;
• жұмыс берушінің есебінен;
• Бірыңғай жинақтаушы зейнетақы қорынан (БЖЗҚ).

ҚР Еңбек және халықты әлеуметтік қорғау министрлігінің мәліметінше, жыл басынан бері 6648-ге жуық адам өтініш білдірсе де, жаңа төлемақы 5918 азаматқа ғана тағайындалды. Белгілі болғандай, міндетті шарттарды орындамағаны үшін 193 адам бұл тізімге кірмеген.

Сонымен қатар қазіргі уақытта сақтандыру компаниясымен 447 азамат зейнеткерлікке дейінгі аннуитет шартының жасалуын күтіп отыр, ал қалған 90 адам төлем тағайындалғаны туралы SMS хабарламаға жауап бермеген.

Бұл ретте барлық алушыға "толық" арнаулы әлеуметтік төлем тағайындалған жоқ. Мәселен, ведомствоның мәліметінше, екі жерден (республикалық бюджет және БЖЗҚ) 2612 адам төлем алуға өтінім білдірген, оның ішінде 2517 азаматқа ғана төлем тағайындалған.

Толық төлемге 4 036 адам өтініш білдірсе де, тек 3 401 адамға ғана тағайындалды.

Кейбір азаматтарға төлемақыны толық бермеу себебі оны тағайындау ережелеріне байланысты. Барлық төрт жерден алынатын арнаулы әлеуметтік төлем тағайындалған кезде қауіпті өндірістерде жұмыс істеген азаматтарға ғана міндетті. Бір кездері зиянды жағдайда жұмыс істеп, кейін жеңілірек жұмысқа ауысқандар тек екі төлем көзіне жүгіне алады.

Еске сала кетейік, бұдан бұрын 2024 жылдың өзінде арнаулы әлеуметтік төлем алушылардың нақты саны 37 мыңнан астам адам екені белгілі болған. Олардың төлемге өтініш бермеу себептерінің бірі – төлемнің жұмыскер зиянды жұмыстан шықса ғана тағайындалуы болуы мүмкін.

Қазақстан азаматы арнаулы әлеуметтік төлемді алу үшін демалысқа шығу немесе "жеңіл"жұмысқа ауысумен қатар, зиянды жұмыстарда кемінде 7 жыл жұмыс істеуі және 55 жасқа толуы қажет.