АҚШ-тағы ЖОО түлектері жұмыссыздыққа тап болуы мүмкін: сарапшылар пікірі

Сарапшылар биыл АҚШ-тың ЖОО түлектері жұмыс іздеу кезінде қиындықтарға тап болуы мүмкін екенін айтты. Бұл туралы Financial Times-ке сілтеме жасаған KAZ.NUR.KZ хабарлайды.

АҚШ Ұлттық колледждер мен жұмыс берушілер қауымдастығының (NACE) сарапшылары америкалық компаниялар 2023 жылмен салыстырғанда университет түлектерін оқуға қабылдауды 5,8 пайызға азайтады деп болжаған. Бұл – қауымдастық жұмыс берушілерге сауалнама жүргізе бастаған 2015 жылдан бергі ең жоғары көрсеткіш.

АҚШ-тың Еңбек статистикасы бюросының мәліметі бойынша, 20-24 жас аралығындағы бакалавр дәрежесі бар түлектер арасындағы жұмыссыздық деңгейі 2023 жылдың сәуірінен 2024 жылдың сәуіріне дейін 4,2 пайыздан 5 пайызға дейін өсті.

"Егер сіз колледжде жоғары курс студенті болсаңыз, сіз көп нәрсені бастан өткердіңіз. Екі жыл бұрын жоғары оқу орнын бітіргендер 2022 жылы жұмысты оңай тапқандарын айтып берген болар, бірақ содан бері көп нәрсе өзгерді. Қазір жұмысқа орналасу әлдеқайда қиын", - деді Indeed жұмыспен қамту сайтыны экономисі Ник Банкер.

NACE мәліметтері бойынша, фармацевтикалық компаниялар, сондай-ақ электроника өндірушілері мен қаржылық қызметтер мен сақтандыру секторындағы ұйымдар жаңа қызметкерлер алуды қысқартуда.