Әлемдегі ең шалғай қала миллиардерлер арасында танымал бола бастады

Әлемдегі ең шалғай ірі қала отбасылық кеңселерін ашқысы келетін миллиардерлер арасында танымал орынға айналды. Бұл туралы Bloomberg порталына сілтеме жасаған KAZ.NUR.KZ хабарлайды.

Батыс Австралиядағы Перт қаласы Үнді мұхитының жағасында орналасқан зәулім үйлерімен әйгілі. Қала сондай-ақ бай адамдардың балаларына арналған жеке мектептердің көптігімен және жергілікті тұрғындардың ең танымал хоббиі – яхта клубтарымен танымал.

Қалалық жылжымайтын мүлік порталдарында "Отбасылық кеңсе үшін өте қолайлы" деген жарнамалар көбейе бастаған.

Дубай, Лондон, Нью-Йорк және Сингапур сияқты жаһандық қаржы орталықтары отбасылық кеңселердің саны бойынша баяғыдан көш бастап келеді. Отбасылық кеңселер – табысы 100 миллион доллардан асатын бір клиентке қызмет көрсететін және ақшаны, салықтарды және қайырымдылық көмектерін басқару қызметтерін ұсынатын ұйымдар.

Preqin инвестициялық деректер жеткізушісінің мәліметіне сай, дүниежүзінде отбасылық кеңселердің саны 2019 жылдан бері үш еседен астамға өсіп, өткен жылы 4600-ге жуықтады.

Соңғы 20 жылда тау-кен өндірісі қарқынды дамып келе жатқан Австралияның Перт қаласы миллиардерлерді қызықтыруда. 2 миллион халқы бар қалада 64 сантимиллионер тұрады, бұл оны әлемдегі ең бай қалалармен қатар қояды. Үнді мұхитында орналасқан Перт сондай-ақ тұрақты тұруға болатын тартымды жер.

Сарапшылардың пікірінше, Перт сияқты қалаларда отбасылық кеңселер саны арта түседі, себебі мұндай елді мекендердің шалғай орналасқанына қарамастан, климаты қолайлы әрі инфрақұрылымы дамыған.