Африкадан контрабандалық жолмен келетін алтынды қай ел көп сатып алады: зерттеушілердің пікірі

Нарық зерттеушілері Африка елдерінен контрабандалық жолмен тасымалданатын алтынның басым бөлігі БАӘ нарығында сатылатынын айтты. Бұл туралы Financial Times басылымына сілтеме жасаған KAZ.NUR.KZ хабарлайды.

Swissaid нарық зерттеушілерінің кешенді зерттеуі Біріккен Араб Әмірліктерінің Африкадан контрабандалық жолмен жеткізілетін алтынның ең көп алушысы екенін анықтады. Бұл есеп бағалы металдардың заңсыз саудасына қатысты өсіп келе жатқан нарықтық алаңдаушылықты көрсетеді.

Сарапшылардың мәліметінше, 2022 жылы Африкадан 31 миллиард долларға жуық 435 тонна алтын экспортталған. Алайда бұл өнім декларацияланбаған. Үкіметтік емес ұйымның баяндамасында декларацияда көрсетілмеген африкалық экспорттың 93 пайызы БАӘ-нің үлесіне тиді. Келесі екі ірі импорттаушы Швейцария мен Үндістан болды.

2024 жылдың басында алтын бағасы рекордтық деңгейге жеткен болатын, енді халықаралық қауымдастық заңсыз өндіруге қарсы күресті күшейтеді деп күтілуде.

БАӘ-нің заңды өкілі алтынның Дубайға контрабандалық жолмен жеткізілуіне қатысты алаңдаушылық бар екенін мойындады. Ол сондай-ақ елдегі осы тәуекелдерді тиімді азайту үшін алтын мен қымбат металдарға қатысты жаңа ережелер енгізілгенін атап өтті.