Қазақстанда алаяқтар өздерін кім деп таныстырады

Алаяқтар өздерін банк қызметкерлері, полицей немесе жұмыстағы басшы ретінде таныстырады. Мұның бәрін олар бөтеннің ақшасын иемденіп алу үшін жасайды. Алаяқтардың қылмыстық схемалары туралы KAZ.NUR.KZ материалынан оқыңыздар.

Алаяқтар үнемі алдаудың жаңа схемаларын ойлап тауып отырады, бірақ олар өздерінің ықтимал құрбандарына қоңырау шалған кезде өздерін көбінесе банк немесе полиция қызметкері ретінде таныстырады.

Әдетте мұның бәрінде алаяқтар әңгімелесушіге оған несие берілгені, оның шотынан күдікті транзакция жасалғаны немесе адамның банк картасы "қауіпте" деген кез келген ұқсас жағдай туралы хабарлайды.

Мұндай алаяқтармен күресудің ең жақсы жолы – сабыр сақтау. Сізге жай ғана сөйлесуді аяқтап, шабуылдаушылардың пікірінше, "ақпарат тарап кеткен" немесе басқа төтенше жағдай орын алған банкке дербес хабарласу керек.

Дегенмен FinGramota медиа-порталы атап өткендей, кейде алаяқтар басқа да схема ойлап табады.

Мысалы, жақында олар өздерін ұялы байланыс операторларының қызметкері ретінде таныстырып, телефон қоңыраулары кезінде әлеуетті құрбандарына SIM карталарының "жарамды мерзімі біткенін" және нөмірдің жақын арада бұғатталатынын айтып қорқытқан.