Қазақстанда декларацияны қалай айыппұлсыз тапсыруға болады
Жарияланған күні:
![Жалпы декларация Жалпы декларация](https://cdn.nur.kz/images/1120x630/2a283292a7ab250f.jpeg)
Декларацияны тапсырмағаны үшін, сондай-ақ жалған ақпарат бергені үшін Қазақстанда айыппұл қарастырылған. Мүлікті қалай дұрыс жариялау және ақпаратты қайдан алуға болатынын KAZ.NUR.KZ материалынан оқыңыздар.
2024 жылы Қазақстанда жалпыға бірдей декларациялаудың үшінші кезеңі басталды. Алғаш рет жеке кәсіпкерлер, заңды тұлғалардың басшылары мен құрылтайшылары, сондай-ақ олардың жұбайлары, яғни шамамен 2,4 миллион азамат "кіру" декларациясын тапсыруы керек.
Сондай-ақ олардың жартысынан көбі 250.00 нысаны бойынша активтер мен міндеттемелер туралы "кіру" декларациясын әлі де тапсырмаған. Бұл олардың өз міндеттерінен жалтарып отыр деген сөз емес, себебі олардың осы жылдың 15 қыркүйегіне дейін әлі уақыты бар.
Алайда жағдайдың күрделілігі заңда декларацияны ұсынбағаны, жасырғаны, ұсынбағаны немесе мүлік туралы жалған ақпарат бергені үшін жауапкершілікті қарастыруында болуы мүмкін.
Сондықтан кейбір азаматтар байқаусызда заңды бұзамыз деп алаңдауы мүмкін. Бұған жол бермеу үшін Мемлекеттік кірістер комитеті "кіру" декларациясын толтыру бойынша бірқатар ұсыныс дайындады.
Азаматтар өз активтері мен міндеттемелерін барынша дәл көрсетуі керек. Бұл ақпарат кейіннен салық салынатын табысты анықтау кезінде ескеріледі.
Сондықтан декларацияны толтырмас бұрын:
- тиісті растайтын құжаттарды дайындау;
- құны 1000 АЕК-тен жоғары (2024 жылы 3 692 000 теңге) барлық мүлікті тәуелсіз бағалаушы бағалауы керек. Ммұны өз қалауыңызға қарай жасауға да, жасамауға да болады, бірақ құнды зат сатуды жоспарласаңыз, бағалау жасаған дұрыс. Бағалау 2023 жылдың 31 желтоқсанындағы жағдай бойынша болуы керек;
- несие 2023 жылғы 31 желтоқсанға дейін берілген жағдайда, нотариустармен несие шарттарын куәландыру қажет.
Сондай-ақ ешқандай активтердің "жоғалып кетпегеніне" сенімді болу үшін олардың Қазақстанда бар-жоғын келесі ресурстарға кіру арқылы тексерген жөн:
Орталық депозитарийдегі бағалы қағаздар;
Қазақстандық тұрғын үй компаниясында және Электрондық үкімет сайтында тұрғын үй құрылысына үлестік қатысу туралы шарттар;
Ұлттық зияткерлік меншік институтындағы зияткерлік меншік және авторлық құқық нысандары;
"Электрондық үкімет" порталында сенімгерлік басқаруға берілген мүлік;
дебиторлық және кредиторлық берешектің бар-жоғына қатысты (несие шарты) Doculite жүйесі арқылы республикалық нотариаттық палатаға сұрау салу қажет.
250.00 нысанындағы декларацияны қағаз түрінде де, электронды түрде де тапсыруға болады:
- салық төлеушінің кеңсесі арқылы;
- "Электрондық үкімет" порталында;
- e-Salyq Azamat, eGov mobile және кейбір екінші деңгейлі банктер мобильді қосымшалары арқылы.
Бұл ретте, Мемлекеттік кірістер комитеті де декларацияны уақтылы тапсырмау және әкімшілік жауапкершілікке жол бермеу үшін декларацияны тапсыруды соңғы күнге қалдырмауды ұсынады.
Мақаланың түпнұсқасы: https://kaz.nur.kz/nurfin/2137122-qazaqstanda-deklaratsiiany-qalai-aiyppulsyz-tapsyruga-bolady/