"Бағам бойынша уәде бере алмаймын": Ұлттық банк басшысы доллардың қымбаттауына байланысты пікір білдірді

Ұлттық банк басшысы Тимур Сүлейменов брифингте Қазақстандағы доллар бағамы алдағы уақытта қандай болуы мүмкін деген сұраққа қатысты пікір білдірді. Бұл туралы KAZ.NUR.KZ тілшісі хабарлайды.

Журналистер бұған дейін Тимур Сүлейменов доллар бағамы 500 теңгеге жетпейді деп уәде бергенін айтты.

"Бәлкім "термин" сөзбен уәде беруде мұқият болу керек. Уәде беру деген былай (қолын жүрек тұсына қойып) "Мен уәде беремін" деп айту. Бірақ мұндай болған жоқ. Біз парламент кулуарында сізбен және басқа да әріптестеріңізбен сөйлескенде, сұрақ қалай қойылды. "Күтесіз бе, әлде жоқ па" деді. Мендегі бар макроэкономикалық, салалық, нарықтық мәліметтерге сүйене отырып, бағам 500 теңге болатынына көз жеткізген жоқпыз деген едім", - деді Тимур Сүлейменов.

Оның айтуынша, Ұлттық банк әлі де осы ұстанымда.

"Мен айырбас бағамына қатысты ешқандай уәде бере алмаймын, өйткені бұл менің функционалдық міндетімде емес. Айырбас бағамы еркін нарық және білім деңгейі тұрғысынан оған ешкім уәде бере алмайды", - деді Ұлттық банк басшысы.

Айта кетейік, Тимур Сүлейменовтен доллардың кейінгі кездегі қымбаттауына байланысты үкіметке айырбас бағамы болжамын өзгертуді ұсыну орынды ма деген сұрақ қойылды. Ұлттық банк басшысы мұндай қажеттілік жоғын айтты, өйткені орташа жылдық мөлшерлеме үкіметтің 2024-2026 жылдарға арналған әлеуметтік-экономикалық даму болжамында көрсетілгендей дәл 460 теңге көлемінде.

Еске салайық, Қазақстанның ақша айырбастау орындарында доллар бағамы 500 теңгеге жақындап қалды.