"Бұл жай ғана сан": ұлттық банк басшысының орынбасары доллар бағамына қатысты пікір білдірді

Ұлттық банк төрағасының орынбасары Виталий Тутушкин сенат кулуарында Қазақстандағы доллар бағамына қатысты жағдайға пікір білдірді. Бұл туралы KAZ.NUR.KZ хабарлайды.

"Ең маңызды фактор – әлем бойынша доллардың нығаюы. Яғни, доллар дамушы елдердің де, дамыған елдердің де валюталарына қатысты нығаюда. Теңгенің еуроға қатынасына қарасақ, онда азды-көпті тұрақты. Кешегі күннің нәтижесі бойынша биржадағы айырбас бағамы бір доллар үшін 495 теңге болды, ал сауданың қорытындысы бойынша 496,3 болды, менің ойымша, яғни қандай да бір көрсеткіштерден асып кеттік деп айтудың қажеті жоқ", - деді Тутушкин.

Журналистер спикерге күні кеше ғана ақша айырбастау орындарында 1 доллар 500 теңгеге бағаланғанын жеткізді.

"Жалпы, 500 – бұл жай ғана сан, оған байланып қалудың қажеті жоқ. Бүгін 500, ертең 600, осылай өзгеріп отырады, шетел валютасына сұраныс пен ұсыныстың арақатынасы байланысты. Біз санның өзіне көп көңіл бөлеміз. Негізі динамикасы маңызды", - деді ұлттық банк төрағасының орынбасары.

Естеріңізге сала кетейік, Ұлттық банкінің ресми мәліметі бойынша, бүгін, 2024 жылғы 21 қарашадағы жағдай бойынша теңгенің долларға шаққандағы бағамы 495,20 теңге (-2,06), еуроға қатысты – 522,34 теңге(-2,87), рубльге – 4,94 теңге (-0,03) болды.