2024 жылы Қазақстанда жәрдемақы мен әлеуметтік төлемдер бойынша қандай өзгерістер енгізілді

Елімізде мемлекеттік қолдау ретінде кей тұрғындарға жәрдемақы мен төлемдер төленіп, қаржылай көмек көрсетіледі. 2024 жылы олардың кейбіріне өзгерістер болып, жаңа төлемдер енгізілді. Бұл туралы толығырақ KAZ.NUR.KZ материалынан оқыңыздар.

Қазақстандықтар мемлекеттік көмекті жәрдемақы және әлеуметтік төлемдер түрінде ала алады, олардың кейбірі автоматты түрде тағайындалады.

Сонымен қатар қаржылық қолдау тұрғындар қиын жағдайға тап болғанда ғана емес, сонымен бірге өтемақы, басқа да қаржылай төлемдер тағайындалады.

Былтыр осы салада қазақстандықтарға қандай жаңалықтар әсер еткенін қарастырайық.

Жаңа төлемдер

2024 жылы зиянды өндірісте жұмыс істейтін азаматтар үшін жаңа арнаулы әлеуметтік төлем енгізілді. Ол төрт компоненттен тұрады:

• республикалық бюджеттен;
• сақтандыру компаниясынан;
• жұмыс берушінің есебінен;
• Бірыңғай жинақтаушы зейнетақы қорынан (БЖЗҚ).

Оның мөлшері төменгі күнкөріс деңгейіне сәйкес жыл сайын өседі, 2025 жылы ол 43 407 теңгеден 46 228 теңгеге дейін өседі.

Бұл төлемді БЖЗҚ-ға 7 жылдан кем емес міндетті кәсіптік зейнетақы жарналары (МЗЖ) төлеген азаматтар ғана ала алатынын айта кеткен жөн. Ал төлем тағайындалу үшін қызметкер қауіпті жұмыстан шығуы,демалысқа шығуы немесе қауіпсіз жұмысқа ауыстырылу керек.

Сондай-ақ, жыл басынан бері Қазақстанда "Ұлттық қор "бағдарламасы іске қосылды: Қазақстандағы барлық кәмелетке толмаған жандар жыл сайын Қазақстан Республикасының Ұлттық қорынан түскен инвестициялық кірістің бір бөлігі арнайы шотқа түсіп отырады.

Биыл әр балаға 100,52 доллар берілді.

Сонымен қатар 2025 жылғы 1 қаңтардан бастап мүгедектік және асыраушысынан айырылу жағдайлары бойынша әлеуметтік төлемдердің көлемін 6,5 пайызға ұлғайту туралы шешім қабылданды.

2024 жылы сарапшылар бала санына қарамастан әр отбасына жәрдемақы беруді енгізуді ұсынды. Олардың айтуынша, шын мәнінде қолдауды қажет ететін отбасылар ешбір критерийге сай келмегендіктен оны ала алмайды.

Сонымен қатар депутаттар әр балаға 70 мың теңгеден жәрдемақы тағайындау туралы ұсынысты да ортаға салды. Алайда Еңбек министрлігі бұл үшін мемлекеттік бюджеттен 5,7 триллион теңге қажет, бұл мемлекет үшін қолжетімсіз шығын болып шығуы мүмкін деп жауап берді.

Ал жыл соңында әлеуметтік-еңбек саласындағы кейбір мемлекеттік қызметтерді Smart Data Ukimet ақпараттық-талдау жүйесіне қызмет көрсету бойынша пилоттық жобаны іске қосу жоспарланғаны хабарланды. Бұл қазақстандықтарға кейбір жеңілдіктерді тағайындауды жеңілдетуі керек.