Тоқаев орталық сайлау комиссиясының төрағасы Әбдіровке тапсырма берді
Жарияланған күні:
![Мемлекет басшысы Мемлекет басшысы](https://cdn.nur.kz/images/1120x630/2ed66db44b145c0d.jpeg)
Мемлекет басшысы Қасым-Жомарт Тоқаев орталық сайлау комиссиясының төрағасы Нұрлан Әбдіровті қабылдады, деп хабарлайды Ақорда.
Мемлекет басшысына орталық сайлау комиссиясының сайлауаралық кезеңдегі қызметінің басым бағыттары таныстырылды.
Сонымен қатар Қасым-Жомарт Тоқаевқа аудандық маңызы бар қалалардың, ауылдардың, кенттердің, ауылдық округтердің әкімдерін сайлау науқанын өткізуге қатысты өңірлердегі сайлау органдарының жұмысы туралы баяндалды.
Кездесу қорытындысы бойынша президент орталық сайлау комиссиясына сайлауаралық үдерістердің заңға сәйкес толық ашық болуын қамтамасыз етуді тапсырды.
Мақаланың түпнұсқасы: https://kaz.nur.kz/politics/1956449-prezident-ortalyq-sailau-komissiyasynyn-toragasy-abdirovke-tapsyrma-berdi/