"Тигізіп жатқан пайдасы шамалы": Тоқаев азаматтардың табысын арттыру бағдарламасы туралы сөз қозғады
Жарияланған күні:
![Қасым-Жомарт Тоқаев Қасым-Жомарт Тоқаев](https://cdn.nur.kz/images/1120x630/ea419e0157015c9a.jpeg)
Қазақстан президенті Қасым-Жомарт Тоқаев үкіметтің кеңейтілген отырысында азаматтардың табысын арттыру бағдарламасына қатысты пікір білдірді. Мемлекет басшысының сөзінше, оның халыққа тигізіп жатқан пайдасы шамалы, деп жазады KAZ.NUR.KZ.
"Азаматтардың табысын арттыру және адам капиталын дамыту. Соңғы жылдары халықтың табысы біртіндеп өсті. Былтыр бұл өсім 5 пайыз шамасында болды. Бірақ, Алматы, Атырау, Қызылорда, Маңғыстау және Түркістан облыстарында жұрттың табысы орташа республикалық деңгейге жетпейді. Бұл көрсеткіш Алматы және Шымкент қалаларында да төмен. Ал, Қызылорда облысында халықтың табысы тіпті азайып кетті. Биыл мамыр айында азаматтардың нақты табысының көрсеткіші минус 2,9 пайыз болды. Мұндай құлдырау көптен бері болған емес.
Халықтың табысын арттыру бағдарламасы қабылданды. Бірақ, оның жұртқа тигізіп жатқан пайдасы шамалы. Ең алдымен, жергілікті жерлерде тиімді жұмыс жүргізілуі керек. Әкімдер жыл сайын әрбір 10 мың тұрғынға 100 жаңа жұмыс орнын ашуға тиіс. Менің білуімше, бұл бағытта нақты нәтиже жоқ.
Тағы да ескертемін. Өңір басшыларының жұмысын бағалаған кезде осы көрсеткішке баса мән береміз. Жұмыс орындарын ашу жұрттың әлеуметтік жағдайына тікелей әсер етеді. Экономиканың тұрақты дамуы да осыған байланысты. Сондықтан үкімет әкімдермен бірлесіп, бұл міндеттің қалай орындалып жатқанын талдауға тиіс", - деді Тоқаев.
Мақаланың түпнұсқасы: https://kaz.nur.kz/politics/1978448-tigizip-zatqan-paidasy-samaly-toqaev-azamattardyn-tabysyn-arttyru-bagdarlamasy-turaly-soz-qozgady/