Тоқаев Жақып Асанов, Мәулен Әшімбаев және тағы үш тұлғаны сенат депутаты етіп тағайындады

Мемлекет басшысы Қасым-Жомарт Тоқаевтың жарлығымен парламент сенатының депутаттары тағайындалды, деп хабарлайды Ақорда ресми сайтында.

Қазақстан Республикасы Конституциясының 50-бабының 2-тармағына сәйкес президент жарлығымен парламент сенатының депутаттары болып:

• Жақып Қажманұлы Асанов;
• Мәулен Сағатханұлы Әшімбаев;
• Нұртөре Байтілесұлы Жүсіп;
• Ләззат Молдабекқызы Қалтаева;
• Асқар Оразалыұлы Шәкіров тағайындалды.

Айта кетейік, Қазақстан халқы Ассамблеясы атынан сенатқа 5 депутат тағайындалды.