Тоқаев опера әншісі Майра Мұхамедқызын қабылдады
Жарияланған күні:
![Қасым-Жомарт Тоқаев пен Майра Мұхамедқызы Қасым-Жомарт Тоқаев пен Майра Мұхамедқызы](https://cdn.nur.kz/images/1120x630/ca8b0e4a54e02b1a.jpeg)
Мемлекет басшысы Қасым-Жомарт Тоқаев Қазақстанның еңбек сіңірген әртісі, Шымкент қалалық опера және балет театрының директоры Майра Мұхамедқызын қабылдады. Бұл туралы Ақорда Telegram-дағы ресми арнасында хабарлады.
Президенттің баспасөз қызметінің хабарлауынша, кездесу барысында еліміздегі опера өнері мен мәдениетін дамыту мәселелері талқыланды.
Президентке Шымкентте қалалық опера және балет театрының жаңа ғимаратын салу жоспары туралы мәлімет берілді. Сонымен қатар Майра Мұхамедқызы президентке өңірдегі опера және театр өнерін дамыту жұмыстары, сондай-ақ жас әншілерді, театр және балет әртістерін оқыту ісі жөнінде айтты.
Мемлекет басшысы жас таланттарды дайындау, театр репертуарын шетелдік және ұлттық қойылымдармен жаңарту маңызды екенін атап өтті.
Қасым-Жомарт Тоқаев Майра Мұхамедқызының көп жылдан бері Қазақстанның мәдениет саласының дамуына зор үлес қосып келе жатқанын атап өтіп, опера әншісіне шығармашылық табыс тіледі.
Мақаланың түпнұсқасы: https://kaz.nur.kz/politics/2027026-toqaev-enbek-qazaqstannyn-sinirgen-artisi-opera-ansisi-maira-muxamedqyzyn-qabyldady/