Баланың арбасын жағып жіберген: Мәжіліс депутаты өзіне қоқан-лоққы жасалғанын мәлімдеді (фото)

Мәжіліс депутаты Бақытжан Базарбек өзіне белгісіз адамдардан қоқан-лоққы жасалғанын айтты. Бұл туралы ол өзінің Facebook парақшасында жазған, деп хабарлайды KAZ.NUR.KZ.

"Менің отбасыма белгісіз біреулерден қоқан-лоққыға ұксайтын әрекеттер басталды. Кішкентай балапанымның коляскасын квартирамыздың есігі алдында жағып жіберген. Осылай, Ескі Қазақстанның өкілдері өзінің бар жоғын ескертіп, білдіртіп отырғандай сезінесің", - деп жазды депутат желідегі ресми парақшасында.

Бұған қатысты көпшілік пікір қалдырып жатыр. Олардың арасында Мәжіліс депутаты Жанарбек Әшімжан да бар.

"Әріптесім Бақытжан Базарбекке шабуыл - барша депутаттарға шабуыл деп бағалау керек. Әділеттілік үшін күресіп жүрген азаматты бұлай үркітіп-қорқытып, тура жолынан тайдырғысы келетіндер - сыбайлас-жемқорлықты жақтаушылар", - деп жазды Әшімжан.