Тоқаев жұмыс сапарымен Қызылорда облысына барды (видео)

Мемлекет басшысы жұмыс сапарымен Қызылорда облысына барды, деп хабарлайды Ақорда Telegram-дағы ресми арнасында.

Президенттің баспасөз қызметінің мәліметінше, сапар барысында Қасым-Жомарт Тоқаев Сырдария ауданының Нағи Ілиясов ауылына барады және еңбек адамдарымен кездеседі деп жоспарланып отыр.

Бұдан бөлек, мемлекет басшысы Қызылорда қаласында салынып жатқан жаңа әуежай терминалымен танысып, бірқатар нысанды аралап көреді.