Денсаулық сақтау министрі учаскелердегі дәрігерлерге қатысты мәлімдеме жасады
Жарияланған күні:
Денсаулық сақтау министрі Ақмарал Әлназарова учаскелердегі дәрігерлерді өзіне тән емес функциялардан босатып, олардың еңбегін ынталандыру шарттарын қайта қарау қажет екенін айтты. Бұл туралы ведомствоның ресми сайтына сілтеме жасаған KAZ.NUR.KZ хабарлайды.
Денсаулық сақтау министрі Қарағанды облысына жұмыс сапарымен барып, облыс халқымен кездесуінде жалпы практика дәрігерлеріне жағдай жасау керек екенін айтты.
"Денсаулық сақтау жүйесіндегі біздің міндетіміз – медициналық қызметтердің көлемін арттыру ғана емес, ең алдымен олардың сапасын қамтамасыз ету. Біз емханалардағы жалпы практика дәрігерлеріне жүктеме көтерілмейтінін көріп отырмыз, пациентті емдеуге аз уақыт қалады, оны өзіне тән емес функциялардан босатып, учаскелердегі дәрігерлердің еңбегін ынталандыру шарттарын қайта қарау қажет", - деп атап өтті ведомство басшысы өңір тұрғындарының алдында сөйлеген сөзінде.
Министр жұртшылыққа арнаған сөзінде ведомствоның медициналық көмектің сапасы мен қолжетімділігін жақсартуға мүмкіндік беретін сындарлы диалогқа, ұсыныстар мен бастамаларға ашықтығы мен дайындығын атап өтті.
Мақаланың түпнұсқасы: https://kaz.nur.kz/politics/2064110-alnazarova-ucaskelerdegi-darigerlerdin-enbegin-yntalandyru-sarttaryn-qaita-qarau-qazet-ekenin-aitty/
