Бұрынғы министр Асхат Оралов жаңа қызметке тағайындалды

Бұрынғы Мәдениет және спорт министрі Асхат Оралов Президент Әкімшілігінің мемлекеттік инспекторы болып тағайындалды, деп хабарлайды Azattyq Ruhy.

Басылым мәліметінше, экс-министрдің жаңа қызметі туралы ақпаратты Ақорданың баспасөз қызметі растады.

Асхат Оралов 1990 жылы Павлодар облысында дүниеге келген.

Ол бұған дейін "Аманат" партиясының жауапты хатшысы, 2021-2022 жылдары Астана қаласы әкімінің орынбасары қызметін атқарған.

Ол 2023 жылдың 4 қаңтары мен қыркүйек аралығында Мәдениет және спорт министрі қызметін атқарды. Өткен жылдың күзінде мемлекет басшысының жарлығынан кейін министр қызметінен босатылды.