Тоқаев президент Наташа Пирц Мусарды Словенияның Ұлттық күнімен құттықтады
Жарияланған күні:
Мемлекет басшысы Қасым-Жомарт Тоқаев президент Наташа Пирц Мусарды Словенияның Ұлттық күнімен құттықтады. Бұл туралы Ақордаға сілтеме жасаған KAZ.NUR.KZ хабарлайды.
Ақорданың Telegram-дағы ресми сайтында жарияланған ақпарат бойынша, мемлекет басшысы Қасым-Жомарт Тоқаев Словенияның Ұлттық күніне орай президент Наташа Пирц Мусарға құттықтау жеделхатын жолдады.
"Қазақстан мен Словения арасындағы дәстүрлі достық пен өзара қолдауға негізделген ынтымақтастық жылдан-жылға нығайып келе жатқаны ерекше қуантады. Болашақта да сан қырлы қазақ-словен ықпалдастығы халықтарымыздың игілігі үшін қарқынды дами беретініне зор үміт артамын
Осы мүмкіндікті пайдалана отырып, мемлекет басшысы Словения президентіне және оның халқына бақ-береке тіледі", - деп жазылған жеделхатта.
Мақаланың түпнұсқасы: https://kaz.nur.kz/politics/2123541-toqaev-prezident-natasha-pirts-musardy-sloveniianyng-ulttyq-kunimen-quttyqtady/