ШЫҰ саммитіне қатысуға келген мемлекет басшыларының кешкі ас форматындағы бейресми кездесуі қалай өтті (фото)

Президент орталығында ШЫҰ саммитіне қатысу үшін Астанаға келген мемлекеттер басшылары мен халықаралық ұйымдар жетекшілеріне арналған бейресми жиын өтті. Қонақтар кешкі ас ішіп, концерттік бағдарламаны тамашалады. Ақорда бейресми жиыннан фотолар жариялады, деп хабарлайды KAZ.NUR.KZ.

Ақорда мәліметінше, президент орталығында өткен бейресми жиын барысында мәртебелі меймандарға қазақ халқының бай музыкалық мұрасы мен мәдениеті таныстырылып, "Достық жолы" хореографиялық композициясы ұсынылған. Қойылымға Ұлы Жібек жолы бойындағы халықтардың мәдениеттері арқау болған.

Мемлекет басшылары бейресми кездесуде бір-бірімен әңгімелесіп, кешкі ас ішіп, концерттік бағдарламаны тамашалаған.

Сонымен қатар концерттік бағдарлама аясында ШЫҰ-ға мүше елдер халықтарының әндері мен билері орындалған.

Бұдан бөлек мемлекеттер басшыларынығ бейресми кездесуінде опера әншісі Майра Мұхаммедқызы, әнші Димаш Құдайберген, басқа да қазақстандық әртістер өнер көрсеткен.

Сонымен қатар саммит қатысушылары мен елорда қонақтарының құрметіне отшашу ұйымдастырылды.