Астанадағы ШЫҰ саммиті қалай өтті
Жарияланған күні:
!["ШЫҰ плюс" кездесуіне қатысушылар "ШЫҰ плюс" кездесуіне қатысушылар](https://cdn.nur.kz/images/1120x630/f994b56768391fcd.jpeg)
Ақорда Астанада өткен Шанхай ынтымақтастық ұйымының саммитінен фотосуреттерді жариялады. Саммит бүгін аяқталды, деп хабарлайды KAZ.NUR.KZ.
Бұл күндері Астана бірқатар елден жоғары мәртебелі меймандарды қабылдады. Бүгін, 4 шілдеде Қазақстан астанасында түрлі елдердің президенттері мен үкімет басшыларының қатысуымен өткен шара сегіз сағатқа жуық уақытқа созылды.
![ШЫҰ-ға мүше мемлекеттер басшылары ШЫҰ-ға мүше мемлекеттер басшылары](https://cdn.nur.kz/images/1120/a1e8dac7d891a181.jpeg)
Саммит барысында ШЫҰ-ға мүше мемлекеттер басшылары кеңесіне қатысушылар Беларусь Республикасының Шанхай ынтымақтастық ұйымына кіруі туралы құжатқа ресми түрде қол қойды.
Сондай-ақ бүгін ШЫҰ-ға мүше мемлекеттер басшылары кеңесінде Астана декларациясына қол қойылды.
![ШЫҰ қатысушылары құжатқа қол қойды ШЫҰ қатысушылары құжатқа қол қойды](https://cdn.nur.kz/images/1120/bc25491dce80d01f.jpeg)
Бұдан бөлек, Қасым-Жомарт Тоқаев Қазақстанның ШЫҰ-ға төрағалығының қорытындысын шығарды. Мемлекет басшысы ШЫҰ достық, тату көршілік, теңдік және өзара қолдау көрсетудің "шанхай рухы" негізінде жұмыс істейтін мемлекетаралық қатынастардың тиімді тетігіне айналғанын атап өтті.
![Қасым-Жомарт Тоқаев Қасым-Жомарт Тоқаев](https://cdn.nur.kz/images/1120/4530c9cdfebc82a1.jpeg)
Сондай-ақ Қазақстанның бұрынғы қорғаныс министрі Нұрлан Ермекбаев ШЫҰ-ның 2025-2027 жылдарға бас хатшысы болып тағайындалғаны да белгілі болды.
Бұдан кейін мемлекет және үкімет басшылары "ШЫҰ плюс" форматында кездесті.
Астанада өткен ШЫҰ-ның "плюс" форматындағы саммитте Қазақстан басшысы Қасым-Жомарт Тоқаев ШЫҰ-ға мүше елдер арасындағы "өзара іс-қимылдың жаңа серпіні" бойынша бірнеше ұсыныс айтты.
Қазақстанның ШЫҰ-ға төрағалығы аяқталды – ол ҚХР-ға өтті. Қасым-Жомарт Тоқаев қорытынды сөз сөйлеп, ҚХР төрағасы Си Цзиньпинге қызметіне табыс тіледі.
![ШЫҰ қатысушылары ШЫҰ қатысушылары](https://cdn.nur.kz/images/1120/3e4c154c726bbbd4.jpeg)
Мақаланың түпнұсқасы: https://kaz.nur.kz/politics/2129202-shyu-sammiti-qalai-otti-foto/