Тоқаев Қазақстанның Еуропа елдеріндегі екі елшісін ауыстырды
Жарияланған күні:
![Абзал Сапарбекұлы Абзал Сапарбекұлы](https://cdn.nur.kz/images/1120x630/545ddbb4c0666a49.jpeg)
Мемлекет басшысы Қасым-Жомарт Тоқаевтың жарлығымен Қазақстанның Мажарстандағы, Албаниядағы төтенше және өкілетті елшілері тағайындалып, тағы екі елдегі елші қызметінен босатылды. Бұл туралы Ақордаға сілтеме жасаған KAZ.NUR.KZ хабарлайды.
"Мемлекет басшысының жарлығымен Абзал Сапарбекұлы Қазақстан Республикасының Мажарстандағы төтенше және өкілетті елшісі лауазымына, Искандер Жүсіпұлы Айсариев Қазақстан Республикасының Албания Республикасындағы төтенше және өкілетті елшісі лауазымына тағайындалды", - делінген Ақорда таратқан ресми хабарламада.
Ал президент жарлығымен Жәнібек Әбдрашов Қазақстан Республикасының Мажарстандағы төтенше және өкілетті елшісі лауазымынан, Қазақстан Республикасының Түркия Республикасындағы төтенше және өкілетті елшісі Еркебұлан Сәпиев Қазақстан Республикасының Албания Республикасындағы төтенше және өкілетті елшісі қызметін қоса атқарушы лауазымынан босатылды.
Мақаланың түпнұсқасы: https://kaz.nur.kz/politics/2134584-toqaev-qazaqstannyng-mazharstandagy-totenshe-zhane-okiletti-elshisin-tagaiyndady/