Тоқаев Сингапурмен инвестицияларды ратификациялау туралы заңға қол қойды
Жарияланған күні:
Мемлекет басшысы Қасым-Жомарт Тоқаев Сингапурмен инвестицияларды ратификациялау туралы заңға қол қойды. Бұл туралы Ақорда Telegram-дағы арнасында хабарлады.
"Мемлекет басшысы "Қазақстан Республикасы мен Сингапур Республикасы арасындағы көрсетілетін қызметтер саудасы және инвестициялар туралы келісімді ратификациялау туралы" Қазақстан Республикасының Заңына қол қойды", - делінген хабарда.
Заңның мәтіні баспасөзде жарияланады.
Еске салсақ, бұған дейін Тоқаев Қазақстан үкіметі мен БҰҰ арасындағы келісімді ратификациялау туралы заңға қол қойған.
Одан бөлек, Қасым-Жомарт Тоқаев мініс және мініс-жегін жылқылардың отандық тұқымдарын сақтау және өсімін молайту мәселелері бойынша өзгерістер мен толықтыру енгізу туралы заңға қол қойған еді.
Мақаланың түпнұсқасы: https://kaz.nur.kz/politics/2134959-toqaev-singapurmen-investitsiialardy-ratifikatsiialau-turaly-zangga-qol-qoidy/