Таразда жылу магистралін жаңғырту жұмыстары қашан аяқталады
Жарияланған күні:
![Жылу магистралін жаңғырту Жылу магистралін жаңғырту](https://cdn.nur.kz/images/1120x630/e62f390e8789866e.jpeg)
"Тараз қаласы Сыпатай батыр, Төле би, Тұрысов көшелерінің бойындағы М-1 жылу магистралін қайта жаңғырту" жұмыс жобасы әзірленіп, мемлекеттік сараптаманың оң қорытындысы алынды. Жылу желісінің жалпы ұзындығы 6138 метрге тең.
"М-1" жылу магистралі 1990 жылдан бастап 34 жыл бойы үздіксіз қызмет көрсетіп келеді. Жылу желісінен 2022 жылы 6 ақау шыққан болса, былтыр желіден тағы 3 ақау табылған. Осыған орай Жамбыл облысы әкімдігі мемлекеттік сатып алу басқармасы тарапынан конкурс жарияланып, жеңімпаз деп танылған бас мердігер – "Сарыағаш-Аман" ЖШС, техникалық қадағалаушысы – "АДС Сапа" ЖШС және авторлық қадағалаушы "Институт "КазНИПИЭнергопром" АҚ-мен келісімшарттар жасалды. Құрылыс жұмыстары биылға жоспарланған, ұзақтығы – 9,5 ай.
![Жылу магистралін жаңғырту Жылу магистралін жаңғырту](https://cdn.nur.kz/images/1120/5e9c78e77c229d0e.jpeg)
Жұмыс жобасына сәйкес, құрылыс-монтаждау жұмыстары осы жылдың 19 сәуірінен басталды. Айта кетейік, құрылыс-монтаждау жұмыстары полиция органдарымен жол жабу келісілгеннен кейін ғана жүргізілді.
![Жылу магистралін жаңғырту Жылу магистралін жаңғырту](https://cdn.nur.kz/images/1120/50249b7aa76987a2.jpeg)
![Жылу магистралін жаңғырту Жылу магистралін жаңғырту](https://cdn.nur.kz/images/1120/138860a59f2e3f02.jpeg)
Бүгінгі таңда Төле би даңғылының Абай даңғылы мен Әйтиев көшесі аралығындағы бөлігінде орнатылған жылу құбырлары тиісті гидравликалық тексерістен өтіп, қайта көму жұмыстары жүріп жатыр.
![Жылу магистралін жаңғырту Жылу магистралін жаңғырту](https://cdn.nur.kz/images/1120/d185869738dc8560.jpeg)
Бүгінде қарқынды жүріп жатқан құрылыс жұмыстарын 2024 жылдың 1 қазанына дейін аяқтау жоспарланып отыр.
Мақаланың түпнұсқасы: https://kaz.nur.kz/politics/2135976-tarazda-zhylu-magistralin-zhanggyrtu-zhumystary-qashan-aiaqtalady/