Тоқаев металлургтерді марапаттау туралы жарлыққа қол қойды
Жарияланған күні:
![Қасым-Жомарт Тоқаев Қасым-Жомарт Тоқаев](https://cdn.nur.kz/images/1120x630/472bbd33d0c87114.jpeg)
Мемлекет басшысы Қасым-Жомарт Тоқаев металлургтерді марапаттау туралы жарлыққа қол қойды. Бұл туралы Ақорда Telegram-дағы арнасында хабарлады.
Ақорда ақпаратынша, президент жарлығымен Металлург күні қарсаңында отандық металлургия саласындағы жемісті еңбегі, еліміздің өнеркәсіптік және инфрақұрылымдық дамуына қосқан үлесі үшін жүздеген жұмысшы мемлекеттік наградалармен марапатталды.
Атап айтқанда, 22 жұмысшы "Құрмет" орденінің кавалері атанды, 41 өнеркәсіп қызметкері ІІІ дәрежелі "Еңбек даңқы" орденінің, 51 адам "Ерен еңбегі үшін" медалінің иегері болды.
Сонымен қатар 7 маман Қазақстан Республикасы Президентінің Құрмет грамотасын иеленді.
Мақаланың түпнұсқасы: https://kaz.nur.kz/politics/2136744-memleket-basshysy-metallurgterdi-marapattau-turaly-zharlyqqa-qol-qoidy/