Тоқаев Руанда президентіне құттықтау жеделхатын жолдады
Жарияланған күні:
Мемлекет басшысы Қасым-Жомарт Тоқаев Руанда президенті Поль Кагамеге құттықтау жеделхатын жолдады. Бұл туралы Ақордаға сілтеме жасаған KAZ.NUR.KZ хабарлайды.
"Қасым-Жомарт Тоқаев Поль Кагамені Руанда президенті лауазымына қайта сайлануымен құттықтап, елінің өркендеуі жолындағы бастамаларына табыс тіледі", - делінген Ақорданың Telegram-дағы арнасында жарияланған хабарламада.
Руандадағы жалпы сайлау 15 шілдеде өтті. Бұл күні президенттен басқа, құрамына 80 адам кіретін депутаттар палатасының (парламенттің төменгі палатасы) мүшелері сайланды – олардың 53-і тікелей сайланады, тағы 27-сі өңірлік кеңестер арқылы тағайындалады.
Руанда президенті Поль Кагаме бұл сайлауда төртінші рет жеңіске жетті. Елдің Орталық сайлау комиссиясы таратқан мәлімет бойынша, ол 99,15 пайыз дауыс (7,1 млн) жинаған.
Мақаланың түпнұсқасы: https://kaz.nur.kz/politics/2137236-toqaev-ruanda-prezidentine-quttyqtau-zhedelhatyn-zholdady/