Дмитрий Малахов Жоғары сот кеңесінің төрағасы болып тағайындалды
Жарияланған күні:
Дмитрий Михайлович Малахов Қазақстан Республикасы Жоғары сот кеңесінің төрағасы лауазымына тағайындалды. Бұл туралы Ақорда хабарлады.
"Мемлекет басшысының Жарлығымен Дмитрий Михайлович Малахов Қазақстан Республикасы Жоғары Сот Кеңесінің Төрағасы лауазымына тағайындалды", - делінген құжатта.
Бұған дейін аталған қызметті атқарған Денис Шипп қызметінен босатылды. Ал бірнеше күн бұрын Малахов Қаржылық мониторинг агенттігінің басшысы қызметінен босатылған.
Малахов Дмитрий Михайлович 1974 жылы 27 тамызда Көкшетауда өмірге келген.
1995 жылы ІІМ Алматы жоғары мектебін бітірген. 2005 жылы Рысқұлов атындағы Экономика және қаржы университетін заңгер, экономист мамандығы бойынша бітірген.
2020 жылдан 2022 жылға дейін Сыбайлас жемқорлыққа қарсы іс-қимыл агенттігі төрағасының орынбасары болып жұмыс істеді.
2022-2023 жылдары Сыбайлас жемқорлыққа қарсы іс-қимыл агенттігі төрағасының бірінші орынбасары болды.
2023 жылдан 2024 жылдың ақпанына дейін Қаржылық мониторинг агенттігі төрағасының орынбасары болды. Ақпан айынан бері агенттік төрағасы қызметін атқарды.
Мақаланың түпнұсқасы: https://kaz.nur.kz/politics/2163490-dmitrii-malahov-zhogary-sot-kengesining-toragasy-lauazymyna-tagaiyndaldy/
